CONDICIÓN FÍSICA
CONDICIÓN FÍSICA
Para a realización das tarefas cotiás como poden ser : subir escaleiras, levantar un peso, camiñar simplemente, cada un de nós ten que ter un mínimo nivel de condición física, a cal definimos dunha forma sinxela como a “capacidade para realizar unha tarefa”.
A condición física é a suma das catro cualidades físicas básicas, que son : Resistencia, Forza, Velocidade e Flexibilidade.
1) A Resistencia
É a capacidade física que nos permite manter unha actividade durante o maior tempo posible sen fatigarnos.
Esta cualidade está íntimamente relacionada cos sistemas cardiovascular e respiratorio, que son os encargados de proporcionar o osíxeno e os nutrientes ás células do organismo que os precisan, así como de transporta-los productos de refugallo para a súa eliminación.
Podemos traballala de múltiples maneiras : andando ás presas, nadando, bailando, montando en bicicleta, carreira, progresións, …. O importante é realizala durante un período máis ou menos longo.
As pulsacións son os latexos do corazón e permítennos controlar a intensidade do esforzo que se está realizando. Podémolas tomar en varios lugares do noso corpo : encima do corazón, no colo e no pulso. Non utilizar nunca o dedo polgar, xa que ó ter pulso propio pode dar lugar a confusión.
Non se debe acabar o traballo de resistencia con sensación de cansazo excesivo, o importante é aguantar o maior tempo posible sen pararse.
2) A Forza
É a cualidade física que nos pemite, mediante accións musculares, vencer unha resistencia ou opoñerse a ela.
Esta cualidade está íntimamente relacionada coa musculatura do noso corpo.
Podemos traballala facendo exercicios nos que só interveña o peso do teu corpo (autocargas : trepas, abdominais,…), ou ben onde apliques a túa forza sobre o corpo dos teus compañeiros/as (xogos de loita, transportes, empuxes, traccións,…). Outra opción témola no traballo con distinto material : lanzamentos de balón medicinal, saltos sobre bancos, saltos á corda,….
É moi importante facer un bo quecemento antes do traballo de forza. Este traballo debe ser multilateral, é dicir, de todas as partes do corpo.
3) A Velocidade
É a capacidade que nos permite realizar un movemento no menor tempo posible.
Está íntimamente relacionada co sistema nervioso.
Pode ser de dous tipos :
a) Velocidade de desprazamento : É a capacidade que nos permite percorrer unha distancia no menor tempo posible.
Podemos desenvolvela con careiras de relevos e competicións de distancias curtas, de 10 a 50 metros.
b) Velocidade de reacción : É a capacidade de responder o máis rápidamente posible ante un estímulo determinado (visual, auditivo ou tactil).
Podemos desenvolvela con exercicios de saídas desde distintas posicións, xogos de reacción,….
É importante realizar os exercicios á máxima velocidade. Asimesmo, os períodos de descanso entre exercicios de velocidade deben ser amplos, para permitir unha recuperación completa.
4) A Flexibilidade
É a cualidade física que nos permite conseguir ou acadar o máximo percorrido das articulacións, o cal supón polo tanto “ a máxima mobilidade articular “.
Tódolos exercicios utilizados no quecemento son de flexibilidade, tanto dinámica (mobilidade articular) como estática (estiramentos).
Esta cualidade está íntimamente relacionada co aparello locomotor, formado por os ósos, os músculos e as articulacións.
A flexibilidade ten dous compoñentes básicos :
a) A mobilidade articular : É a posibilidade de movimento dunha articulación.
b) O estiramento muscular : É posible grazas a unha propiedade do músculo chamada elasticidade, que permite estirar o músculo ata chegar a un certo límite e recuperar logo a súa posición inicial.
Consideracións :
– Débese realizar un traballo multilateral, traballando todas as articulacións do corpo. Sempre ambos sentidos, con idéntico tempo para cada lado.
– Durante o quecemento realízanse preferentemente exercicios de movilidade articular. Os estiramentos realizados durante a volta á calma teñen como finalidade retornar a lonxitude dos músculos ós seus valores normais.
– Nos estiramentos non debes sobrepasar nunca o limiar da dor. Chega con suavidade á posición desexada e alí busca un grao de tensión que deberás manter entre 15 e 30 segundos aproximadamente.
– Non debes facer rebotes, xa que con eses movimentos bruscos corremos o risco de lesionarnos.
– Esta é a única cualidade que comeza a diminuír a partir do nacemento, producíndose un descenso importante na pubertade, sobre todo se non se traballa dunha forma continuada.
– É a capacidade física que tes mellor desenvolvida, pero se non a coidas e exercitas, podes perdela rápidamente.
ORIENTACIÓN NA NATUREZA
ORIENTACIÓN NA NATUREZA
Orientarse na natureza supón coñecer en que posición nos atopamos dentro dun plano (representación gráfica, a escala, dun terreo, edificio, etc…), ou ben, que dirección queremos seguir co seu rumbo correspondente utilizando a brúxula.
Cando non se dispón de plano nin brúxula podemos orientarnos do seguinte xeito :
1) Polo sol : A saída do sol, polo leste, marcámola co brazo dereito e así quedan definidos os catro puntos cardinais.
2) Polas estrelas : A estrela polar indica o Norte, é unha estrela moi brillante situada ó final da cola da osa menor.
3) Pola humidade (musgo) : O percorrido do Sol de leste a oeste non discurre polo centro da órbita, senon que está inclinado cara ó Sur; isto fai que os troncos, paredes,…, orientados cara ó sur reciban maior radiación solar que os orientados cara ó norte, onde se acumulará humidade en forma de musgo, verdín, etc….
4) Os aneis de crecemento das árbores : Están máis separados na cara sur e máis próximos na cara norte, xa que a calor os dilata.
Principais direccións e rumbos asociados ( Rosa dos Ventos ) :
A brúxula
É un instrumento que ten unha agulla imantada que nos indica sempre o polo Norte Magnético da Terra. Esto débese a que o noso planeta compórtase como un gran imán que exerce a súa atracción sobre os demais imáns que, deste xeito, quedan orientados cara ós polos magnéticos da Terra.
Partes da brúxula :
Consideracións :
1) Antes de facer calquera medición nun plano, é necesario orientar dito plano coa brúxula.
2) A calquera dirección que sigamos lle corresponde un rumbo en graos.
AS HABILIDADES MOTRICES BÁSICAS
AS HABILIDADES MOTRICES BÁSICAS
Son accións ou movimentos sinxelos que realizamos para relacionarnos cos demais e desenvolvernos proveitosamente no entorno que nos rodea : correr cara a un lugar determinado, lanzar ou recoller un papel, saltar un charco, etc….
As habilidades motrices básicas son cinco : desprazamentos, saltos, xiros, lanzamentos e recepcións.
1º )Desprazamentos
Sérvennos, entre outras cousas, para :
– Chegar a un lugar determinado.
– Movernos dun lado a outro ou nunha dirección determinada en case todas as actividades físicas e deportivas.
2º) Saltos
Sérvennos, entre outras cousas, para :
– Coller obxectos que están moi altos.
– Salvar distancias en altura e lonxitude.
– Esquivar obxectos en movimento.
– Utilizámolos nos bailes, danzas e deportes nos que a habilidade do salto predomina, por ejemplo : baloncesto, voleibol, salto de lonxitude, salto de pértiga, salto de altura,….
3º) Xiros
Sérvennos, entre outras cousas, para :
– Orientar e situar mellor o noso corpo, partindo de diferentes posicións.
– Controlar e proteger o balón nos deportes de cooperación-oposición (fútbol, baloncesto,…..)
– Favorecer o impulso en moitas actividade deportivas, por ejemplo : nalgúns lanzamentos de atletismo (disco, peso, martelo ) ; nalgúns elementos gimnásticos (rondadas, flic-flac,…) ; na batida do salto de altura, etc…..
Existen tres eixes sobre os cales podemos xirar :
a) Vertical ou lonxitudinal : É o eixe que atravesa longitudinalmente o corpo ; entraría pola cabeza e sairía polos pés. O xiro neste eixe chámase rotación. Cando pivotamos en baloncesto estamos xirando neste eixe.
b) Horizontal ou transversal : É o eixe que atravesa o corpo de lado a lado. Os xogadores do futbolín relizan os movimentos neste eixe. Os pinchacarneiros (voltereta adiante agrupada) son xiros neste eixe con apoio de mans.
c) Anteroposterior ou saxital : É o eixe que atravesa en profundidade o corpo ; entraría polo peito e sairía polas costas. O salto de torera sobre o plinton realízase neste eixe. A rolda lateral é o xiro neste eixe con apoio de mans.
4º) Lanzamentos
Á hora de lanzar utilizamos un ou dous brazos. Ë a partir dos catro e cinco anos cando os nenos e as nenas empezan a utilizar unha man ou unha perna máis que a outra. A este fenómeno chamámoslle lateralidade. Isto non quere decir que se somos zurdos ou destros o sexamos de todos os segmentos e partes do corpo ; moitas persoas son zurdas de man pero destras co pé (e viceversa).
É moi importante que utilices, sempre que poidas, os dous brazos ou as dúas pernas, tanto nas clases de Educación Física como nos teus quehaceres diarios, iso chámase ambidextrismo. As persoas que son capaces de utilizar os seus dous brazos ou as dúas pernas con semellante eficacia, son máis hábiles que as demais.
Os lanzamentos sérvennos para lanzar obxectos a un lugar determinado.
5º) Recepcións
Esta habilidade está moi relacionada coa anterior, xa que para recibir antes tivo que haber un lanzamento.
Os pases e recepcións sérvennos, entre outras cousas, para intercambiar diversos obxectos.
¿ Como podemos mellorar as nosas habilidades ?
Gracias á práctica variada de xogos e deportes, as habilidades motrices básicas vanse mellorando e transformando noutras máis específicas. Por iso é tan importante practicar moitas actividades físicas e xogar cos nosos compañeiros e amigos (na rúa, no colexio, en casa,….), xa que desta forma podemos realizar exercicios e tarefas tan complicadas como : correr cara atrás facendo eses, saltar xirando no aire, facer unha reviravolta nun banco sueco, lanzar unha pelota a un lugar sinalado, saltar un poltro,…O executar adecuadamente estas accións axudaranos a controlar mellor o noso corpo ante situacións diferentes e a coñecernos mellor. En definitiva, sentirémonos máis felices con nós mesmos.
¿ Que é a coordinación ?
É a capacidade que temos para movernos con facilidade no entorno que nos rodea, permitíndonos solucionar as dificultades que se poidan presentar.
A coordinación supón o dominio das habilidades motrices básicas. Os compañeiros que adoitan aprender rápido nas clases de Educación Física son moi coordinados.
Tipos de coordinación :
1) Dinámica Xeral :
É a responsable dos movementos nos que participa a maior parte do noso corpo. Inclúe os desprazamentos, saltos e xiros. É moi importante para a práctica do Atletismo, a Ximnasia Deportiva e a Patinaxe artística.
2) Segmentaria :
É responsable daqueles movementos nos que utilizamos só determinadas partes do corpo, como os brazos ou as pernas. Inclúe os lanzamentos e as recepcións. Dentro deste grupo diferéncianse :
a) A coordinación segmentaria ollo-man : utilízase en deportes como o balonmano, baloncesto, tenis,….
b) A coordinación segmentaria ollo-pé : utilízase en deportes como o fútbol, rugby,….
c) A coordinación segmentaria ollo- cabeza : utilízase para realizar golpeos coa cabeza.
3) Estática (Equilibrio) :
É a capacidade que nos permite manter calquera posición do corpo en contra da forza de gravidade da terra ou de forzas externas. Neste curso a traballamos a través do equilibrio de cabeza e de brazos.
¿ Como podemos mellora-la coordinación ?
Realizando moitas actividades e variadas aumenta o noso grao de coordinación. Ademais, entre os 8 e os 12 anos sucede a maduración do sistema nervioso, aumentando as túas posibilidades para desenvolver a coordinación.
A coordinación está íntimamente relacionada con outras capacidades, das que a súa mellora implicará tamén o seu progreso. Entre elas destacamos a orientación espacial, que é a capacidade que nos permite saber como está situado o noso corpo no espacio. Para iso existen no corpo uns informadores situados nos músculos, articulacións e oídos, que actúan como “espías”, informándonos, entre outras cosas, da posición na que se encontran as diferentes partes do corpo, así como a deste na súa globalidade ( se se atopa agrupado ou estendido, se está de pé ou deitado, ou mesmo se se encontra ou non nunha posición desequilibrante).
O EQUILIBRIO
No 1º curso traballamos tres tipos de coordinación : dinámica, segmentaria e estática. Esta última é a que se refire ó equilibrio.
Defínese o equilibrio como a capacidade coordinativa gracias á cal mantemos calquera posición do corpo en contra da forza de gravidade da terra ou de outras forzas externas (empurrón, freazo brusco do autobús cando imos de pé,…).
Existe equilibrio en calquera posición que adoptemos, aínda que a dificultade varía dunhas a outras. Mesmo unha tarefa tan sinxela como camiñar precisa, tamén, dunha pequena cantidade de equilibrio.
O equilibrio lógrase gracias á función do sistema nervioso, a través da información que nos chega dos nosos músculos, vista, oído, tacto…. Así nos decatamos, en todo momento, da posición do noso corpo.
Tipos de equilibrio :
1º) Estático : Adoptamos unha postura na cal ningunha parte do corpo se move. Por ejemplo, ó xogar ás estatuas ou facela vertical.
2º) Dinámico : Hai desprazamento do centro de gravidade. O obxectivo é manter a estabilidade do corpo durante todo o movemento. Por ejemplo, cando andamos pola barra de equilibrio, cando patinamos, cando vamos na bicicleta,……
Existe tamén outro tipo de equilibrio : o que se produce cando mantemos algún obxecto sobre as distintas partes do noso corpo (paos, balóns, aros,…); chámase equilibrio de obxectos.
Factores do equilibrio :
1º) FÍSICOS :
1) O centro de gravidade dun corpo : É o lugar onde se concentra a masa do corpo e, polo tanto, onde se equilibra ese corpo. En nós se corresponde co ombligo.
2) A base de sustentación : Refírese ós apoios sobre os que estamos.
Canto menor é a base de sustentación menor é o equilibrio e viceversa. Por iso poñerse de puntillas enriba dunha pica require dun grao de equilibrio maior que se camiñamos por riba dun banco sueco.
Para que haxa equilibrio o centro de gravidade ten que estar en liña coa base de sustentación.
Canto máis baixo estea o centro de gravidade, e polo tanto mais preto da base de sustentación, maior será o equilibrio. Por iso se ando en cuclillas por un bordillo teño máis equilibrio. Tamén por iso as persoas altas teñen menos equilibrio, xa que o seu centro de gravidade está situado a máis altura respecto á base de sustentación.
2º) SENSORIAIS :
1) A vista : Gracias a ela temos referencias do noso entorno.
2) O oído : Dentro do oído temos un líquido que funciona como un “soprón” á hora de informarnos da nosa posición ; se movemos moito a cabeza, por exemplo cando realizamos moitos xiros seguidos, este líquido moverase excesivamente e prexudicará a nosa estabilidade, desequilibrarémonos.
3) O tacto : Gracias a él podemos ter unha mellor información do tipo de superficie por onde nos movemos. O tacto, xunto ó oído, suplen ó sentido da vista nas persoas invidentes, axúdalles a moverse con máis soltura.
¿ Como podemos mellorar o equilibrio ?
O equilibrio evoluciona ó mesmo tempo que crecemos e ten moito que ver coa maduración do sistema nervioso.
Entre os 11-12 anos é un momento importante para que traballes o equilibrio, xa que o teu corpo, con brazos e pernas crece dun modo considerable e, probablemente, teñas algunha que outra dificultade para dominalo.
Practicando actividades e exercicios o máis diversos posibles, combinando equilibrios dinámicos e estáticos, variando os apoios (brazos, pernas, corpo) e as superficies onde apoias (chan, colchón, area, obxectos variados,…), mellorarás a túa capacidade de equilibrio. Poderás tamén realizar equilibrios con moitos tipos de materiais : aros, picas, balóns,…, intentando equilibralos sobre distintas partes do teu corpo.
EDUCACIÓN PARA A SAÚDE
EDUCACIÓN PARA A SAÚDE
HÁBITOS BENEFICIOSOS PARA A SAÚDE :
1º ) ALIMENTACIÓN EQUILIBRADA :
En certa medida somos o resultado do que comemos. Estás nunha idade na cal se está producindo un rápido crecemento. Para que este crecemento sexa adecuado debemos controlar a nosa alimentación, xa que son os alimentos os encargados de aportar a “materia prima” para construir e manter o noso corpo.
Por outro lado, os alimentos tamén aportan a enerxía necesaria para que o noso corpo funcione, se mova; de feito, esta é a idade do máximo ejercicio; os rapaces e rapazas a esta idade non parades en todo o día : corredes, xogades, practicades todo tipo de deportes, gastando con iso moita enerxía, a cal tamén procede da alimentación. Por isto, esta debe ser completa e equilibrada.
A dixestión dos alimentos comeza na boca, onde os alimentos se mastican e mesturan coa saliva formándose o bolo alimenticio. Este pasa ó esófago e de ahí ó estómago onde se descompón aínda máis pola acción dos ácidos gástricos, transformándose nunha papilla chamada quimo. Este pasa ó intestino delgado onde as partes aproveitables dos alimentos (nutrientes) atravesan as paredes intestinais e se incorporan ó torrente sanguíneo, mentres que as partes non aproveitables pasan ó intestino groso e son eliminadas a través das heces.
O sistema cardiovascular é o encargado de transporta-lo osíxeno e os nutrientes ás células do organismo que os precisen, así como os productos de refugallo para a súa eliminación.
Comer ben é comer de todo nas proporcións adecuadas. Non debe faltarnos ningunha das “materias primas” (nutrientes esenciais). Así acádase o que denominamos unha dieta equilibrada. Os grupos de nutrientes esenciais (ou principios inmediatos) e os alimentos que os conteñen son :
As dietas pouco equilibradas poden provocar certas carencias nutricionais e estas, dar lugar a trastornos e mesmo enfermedades. Se comemos máis do que necesitamos, o corpo almacena o que sobra, producíndose un aumento de peso que, cando é excesivo, se converte en obesidade. Por contra está a anorexia e a bulimia.
Normalmente co que comes no almorzo, xantar e cea, se é variado e contén o aporte necesario de nutrientes fundamentais, tes suficiente para cubrir as túas necesidades.
Consideracións :
– O almorzó é de gran importancia posto que é o primeiro alimento do día.
– O xantar repón as enerxías gastadas pola mañá e compleméntase cunha merenda a media tarde.
– Procura que as ceas nunca sexan moi copiosas e nunca te deites inmediatamente despois de cear.
– Respecta o equilibrio entre glícidos (hidratos de carbono), lípidos (graxas) e proteínas.
– Ten coidado coas lambetadas e cos dulces en xeral.
– Procura comer moita froita e verdura, e non abuses do consumo de ovos.
– Bebe auga en abundancia e modera o teu consumo de bebidas azucradas e con gas.
– Antes de facer ejercicio físico, é bo que teñan pasado ao menos dúas horas desde a última comida, e que esta fora rica en glícidos.
– Da mesma forma, non debes comer inmediatamente despois do exercicio, pero si deberás beber líquido para repoñer o que perdiches durante a actividade a través da suor.
2º) ACTITUDE POSTURAL AXEITADA :
Manter unha posición correcta significa evitar que as costas realicen esforzos innecesarios. A maioría das dores de lombo son debidas a unha mala postura ou a unha inadecuada execución das actividades cotiás. Esas dores podémolas solucionar sen medicación, simplemente transformando os nosos hábitos. Debemos coidar as posturas que adoptamos.
Asimesmo, é necesario exercitar adecuadamente os músculos encargados do mantenemento da postura, que son : cuádriceps, abdominais e glúteos. Estes músculos estabilizan a columna sobre a pelvis, é dicir, manteñen dereita a espalda.
Para analizar cál é a postura correcta, hai que diferenciar distintas situacións :
a) Como sentarse :
Procura sentarte da forma máis correcta, situando as costas pegadas ao asento. Este debe ter a altura xusta para que non che queden as pernas colgando, os pés deben tocar o chan, mantendo os xeonllos lixeiramente máis altos que a cadeira. Para iso colocaremos unha pequena tarima para apoiar os pés en caso de que o asento sexa moi alto. Todas as pancas deben formar ángulos rectos.
Se estamos escribindo, lendo,….., a columna debe manterse aliñada e o asento a unha altura que non obrigue a inclinarse.
Cando vemos a televisión debemos tomar certas precaucións. Ademais das que xa nomeamos, debemos colocar o televisor a unha altura adecuada para evitar inclinar excesivamente a cabeza cara adiante, e a unha distancia adecuada para evitar forzar o sentido da vista.
b) Como deitarse :
Evitar o arqueo excesivo da zona lumbar e cervical. É recomendable durmir en cama dura.
As posturas tanto boca arriba como boca abaixo tenden a aumentar a curvatura lumbar. Se durmimos boca arriba, resulta moi eficaz colocar unha almohada debaixo dos xeonllos. A postura máis recomendable é a de deitado en posición fetal cos xeonllos e cadeiras flexionadas.
c) Como levantar pesos :
Debemos intentar non cargar con excesivo peso. Se non che queda máis remedio, debes distribuílo adecuadamente entre os dous brazos e non cargándoo sempre no mesmo lado.
Para levantar un peso debemos flexionar os xeonllos e situar o obxecto próximo ao corpo. Desta forma o peso vai ser soportado polas pernas e non polas costas.
Canto máis preto estea o obxecto do noso centro de gravidade (na cadeira), máis doado será de levantar e transportar.
3º) O EXERCICIO FÍSICO :
Vivimos nunha sociedade na cal, cada vez, temos máis tempo libre e de lecer, pero este utilizámolo en ver a televisión, xogar coa videoconsola,…., o cal nos leva irremediablemente ao sedentarismo, que se caracteriza pola ausencia de actividade física e os problemas que iso acarrea como veremos máis adiante.
Tamén podemos atoparnos casos de persoas que, sen practicar unha actividade física e deportiva, teñen unha boa condición física grazas ao traballo que realizan, como por ejemplo : un bombeiro, un carteiro, un profesor de Educación Física, etc…..
Vantaxes do exercicio físico :
a) A ocupación do tempo libre :
O corpo necesita un mínimo de actividade física diaria para manterse en forma. Un exercicio axeitado axuda a conseguir un corpo máis acorde cos nosos desexos, xa que nos permitirá perder graxa superflua e flaccidez, corrixir posturas defectuosas, variar o volumen muscular e adquirir soltura de movemento.
A ocupación do tempo libre realizando unha actividade física máis intensa e distinta que durante as horas de traballo provocará por si mesmo unha mellora no noso organismo e no noso estado de ánimo.
Cando facemos exercicio físico o cerebro segrega unhas substancias chamadas endorfinas, que producen unha sensación de benestar.
b) A condición física :
O exercicio físico mellora o funcionamento dos diferentes aparellos e sistemas orgánicos, evitando enfermidades por malfuncionamento como poden ser : infartos, problemas circulatorios, pérdida de reflexos, problemas musculares,…….
A resistencia é a cualidade física que mellora o funcionamento dos sistemas cardiovascular e respiratorio.
Co traballo de velocidade melloramos os niveis de reacción e de coordinación dos movementos, que teñen que ver co sistema nervioso.
A flexibilidade é a cualidade física que mellora o funcionamento do aparello locomotor. Este traballo será aplicado aos músculos tónicos, que son aqueles que teñen tendencia a acortarse e, polo tanto, debemos actuar sobre eles estirándoos (Exemplo : cuádriceps, xemelgos,…). Por contra, están os músculos fásicos, que son aqueles que teñen tendencia a debilitarse e, polo tanto, hai que actuar sobre eles tonificándoos (Exemplo : abdominais, glúteos, …).
c) A relación social :
Grazas á práctica do exercicio físico coñecemos novas persoas, xorden novas amizades, que en moitas ocasións chegan a converterse nos nosos mellores amigos.
d) A imaxe corporal :
Grazas ao exercicio físico somos quen de acadar unha imaxe corporal o máis parecida ó ideal que buscamos.
Consideracións :
– Para comenzar realiza sempre un bo quecemento.
– Non debes facer exercicios contraindicados para a túa idade (levantar grandes pesos,….). Non hai que ter presa.
– Utiliza roupa e zapatillas deportivas axeitadas.
– Tras o exercicio físico é fundamental volver ó estado inicial sen brusquidade, mediante exercicios relaxantes e de estiramento muscular.
– A higiene corporal e buco-dental debe ser unha práctica na vida diaria de tódalas persoas. Dúchate tódolos días, sobre todo despois de realizar exercicio físico. Ademais, debemos cepillarnos os dentes despois de cada comida.
– Por último, non debemos esquecer o tempo que necesitamos para recuperármonos do esforzo realizado. Unha das mellores formas é durmindo as horas que necesitamos para repoñer forzas, que nesta idade non debe baixar de nove horas.
HÁBITOS PREXUDICIAIS PARA A SAÚDE :
1º) O TABACO :
A nicotina, o alcatrán e o monóxido de carbono son as substancias nocivas que produce un pito. Todas elas afectan á boca e á gorxa, aos pulmóns, ao corazón e ás arterias, ao aparello dixestivo, e nas mulleres embarazadas poden prexudicar ao futuro bebé.
2º) O ALCOHOL :
Cando o organismo acadou a idade adulta, o consumo moderado de bebidas con pouco alcohol non prexudica gravemente á saúde, pero cando este é excesivo é a idades nas que o desenvolvemento non se completou, é moi nocivo.
O alcohol non é un estimulante, ao contrario, é un sedante e, aínda que provoque un momentáneo estado de euforia e alegría, o certo é que diminúe os teus reflexos e aumenta o teu tempo de reacción.
Ademais dos signos de alarma máis visibles, como son a debilidade, o mareo, a confusión,….., hai outros efectos a longo prazo que se localizan no cerebro, o fígado, o corazón, o estómago,…..
3º) O SEDENTARISMO :
É a maneira de vivir na que a actividade física é mínima ou nula. Tamén se aplica este término ás posturas incorrectas mantidas ó longo do tempo, que afectan negativamente á espalda, provocando a aparición de enfermedades de tipo postural e dexenerativo : lumbalxias, artrosis, pinzamentos,….
Imos ver a continuación os defectos posturais que se dan con máis frecuencia e a forma de correxilos :
O QUECEMENTO
O QUECEMENTO
O organismo, para pasar dun estado de repouso a outro de intensidade media ou alta, necesita dun tempo intermedio de adaptación, dunha “ponte” que facilite o paso sen provocar cambios bruscos. Esta vai ser a función primordial do quecemento.
¿ Que é o quecemento ?
“ O conxunto de actividades ou ejercicios físicos que preparan ó individuo física e mentalmente para realizar unha actividade máis intensa “.
¿ Cales son os obxectivos que persegue ?
- Mellora o rendemento na actividade que posteriormente imos realizar.
- Evita e prevén lesións.
¿ Cales son os efectos do quecemento no noso corpo ?
- O noso corazón latexa máis a presa ( aumenta a frecuencia cardíaca ).
- A pel averméllase e suamos. Aumenta a circulación sanguínea nas zonas que traballan e a temperatura corporal.
- Respiramos máis a présa e máis forte.
¿ Cales son os exercicios que se utilizan para quentar ?
Son exercicios de flexibilidade, que comenzan movendo as articulacións (flexibilidade dinámica) e rematan estirando os músculos (flexibilidade estática).
1º) Mobilidade articular :
As articulacións móvense en tódolos posibles eixes de movimento. O movimento sempre é perpendicular ó eixe onde se realiza.
No eixe horizontal realízanse os movimentos de flexión-extensión.
No eixe vertical realízanse os movimentos de rotación.
No eixe antero-posterior realízanse os movimentos de abducción (separación) e adducción (aproximación) ; cando estes movimentos se fan nas articulacións do colo e tronco chámanse flexión lateral.
A circunducción é un movimento circular da articulación que se realiza en varios eixes.
2º)Estiramento muscular :
Podemos definir a elasticidade muscular como “ a propiedade que ten o músculo de alongarse ata chegar a un certo límite e recuperar a súa posición inicial “.
Preténdese estirar aqueles músculos con tendencia a acurtarse (musculatura tónica), así como aqueles músculos que máis van traballar posteriormente.
¿ Cales son as clases de quecemento ?
1ª) Quecemento pasivo
Non hai desprazamento. Comenzase movendo as articulacións empezando nos nocellos e rematando no colo ; fanse arredor de 10 repeticións de cada movimento. Remátase estirando os músculos (mantendo a posición límite durante 15 segundos ).
2ª) Quecemento activo
Hai despramento pola pista. Pódese facer de dous xeitos :
- Mobilizando as articulacións mentras nos desprazamos pola pista e despois estirar.
- A través dos xogos.
Consideracións sobre o quecemento
- O quecemento debe ser suave e progresivo, non debe ser fatigante. Desta maneira cumplirá o obxectivo de axudar ó ejercicio que se fará despois; por eso en ningún caso durará máis de 10 minutos.
- Deberase acabar entre 110 e 130 pulsacións aproximadamente.